ಸೇನಾ ದಿನಾಚರಣೆ : ಭಾರತೀಯ ಸೇನೆಯ ವಿನೂತನ ಯುದ್ಧ ಸಮವಸ್ತ್ರ ಬಿಡುಗಡೆ | ಜನತಾ ನ್ಯೂಸ್
2108
ನವದೆಹಲಿ : ದೇಶದಲ್ಲಿ ಇಂದು ಜನವರಿ 15 ರಂದು ಸೇನಾ ದಿನ ವನ್ನು ಆಚರಿಸಲಾಗುತ್ತದೆ. ದೇಶದಲ್ಲಿ ಹೆಚ್ಚುತ್ತಿರುವ ಕೋವಿಡ್-19 ಪ್ರಕರಣಗಳೊಂದಿಗೆ ಕಟ್ಟುನಿಟ್ಟಾದ ಪ್ರೋಟೋಕಾಲ್‌ಗಳ ನಡುವೆ ಎಲ್ಲಾ ಆರ್ಮಿ ಕಮಾಂಡ್ ಹೆಡ್‌ಕ್ವಾರ್ಟರ್ಸ್‌ನಲ್ಲಿ ಇಂದು ಭಾರತೀಯ ಸೇನಾ ದಿನವನ್ನು ಇಂದು ಆಚರಿಸಲಾಗಿದೆ.
ರಾಷ್ಟ್ರ ರಾಜಧಾನಿ ದೆಹಲಿಯ ಕೆ.ಎಂ.ಕರಿಯಪ್ಪ ಪರೇಡ್ ಮೈದಾನದಲ್ಲಿ ನಡೆದ ಭಾರತೀಯ ಸೇನಾ ಪರೇಡ್‌ನಲ್ಲಿ ಸೇನಾ ಮುಖ್ಯಸ್ಥ ಜನರಲ್ ಮನೋಜ್ ಮುಕುಂದ್ ನರವಾಣೆ ಭಾಗವಹಿಸಿದ್ದರು.
ಈ ವರ್ಷದ ಸೇನಾ ದಿನಾಚರಣೆಯ ವಿಶೇಷತೆಗಳೆಂದರೆ, ಇಂದು ಭಾರತೀಯ ಸೇನೆಯ ವಿನೂತನ ಶೈಲಿಯ ಯುದ್ಧ ಸಮವಸ್ತ್ರ ಬಿಡುಗಡೆ ಮಾಡಲಾಗಿದೆ. ಡಿಜಿಟಲ್ ಅಡ್ಡಿಪಡಿಸುವ ಮಾದರಿಯ ಹಗುರವಾದ ಬಟ್ಟೆಯ ಈ ಸಮವಸ್ತ್ರವನ್ನು, ಮೇಲಿನ ಶರ್ಟ್ ನ್ನು ಟಕ್-ಇನ್ ಮಾಡುವಂತಿಲ್ಲ ಹಾಗೂ ಒಳಗೆ ಟಿ-ಶರ್ಟ್ ಧರಿಸಬೇಕಾಗಿದ್ದರಿಂದ ಪುರುಷ ಹಾಗೂ ಮಹಿಳಾ ಸಿಬ್ಬಂದಿಗಳಿಗೆ ಒಂದೇ ರೀತಿಯಲ್ಲಿ ಸಿದ್ದಪಡಿಸಲಾಗಿದೆ.
ಫೀಲ್ಡ್ ಮಾರ್ಷಲ್ ಕೆ.ಎಂ.ಕರಿಯಪ್ಪ ಅವರು ಭಾರತೀಯ ಸೇನೆಯ ಮೊದಲ ಭಾರತೀಯ ಕಮಾಂಡರ್-ಇನ್-ಚೀಫ್ ಆಗಿ ಅಧಿಕಾರ ವಹಿಸಿಕೊಂಡ ದಿನದ ನೆನಪಿಗಾಗಿ ಸೇನಾ ದಿನವನ್ನು ಆಚರಿಸಲಾಗುತ್ತದೆ. 1949ರ ಜನವರಿ 15ರಂದು ಭಾರತದ ಕೊನೆಯ ಬ್ರಿಟಿಷ್ ಕಮಾಂಡರ್-ಇನ್-ಚೀಫ್ ಆಗಿದ್ದ ಜನರಲ್ ಸರ್ ಫ್ರಾನ್ಸಿಸ್ ಬುಚರ್ ಅವರ ಬಳಿಕ ಮೊಟ್ಟ ಮೊದಲ ಭಾರತೀಯ ಅಧಿಕಾರಿಯಾಗಿ ಫೀಲ್ಡ್ ಮಾರ್ಷಲ್ ಕೆ.ಎಂ.ಕರಿಯಪ್ಪ ಅವರು ಅಧಿಕಾರ ವಹಿಸಿಕೊಂಡರು.
